மர்பி ரேடியோ அல்லது

எங்கள் வீட்டில்
உடைந்தே போகாத
ஒரு பழைய மர்பி
ரேடியோ இருந்தது

அந்தகாலத்துல
தாத்தா ரங்கூன்லேந்து
வாங்கிட்டு வந்ததுடா
என்பாள் பாட்டி முகம் விரிய

எங்கள் வீட்டில்
நாங்கள் பேசிக்கொண்டிருப்போம்
அல்லது அது பேசிக்கொண்டிருக்கும்
எம்.ஆர.ராதாவின் குரலில்
அல்லது பாட்டி சொல்வது மாதிரி
தாத்தாவின் குரலில்.

ஏதோ ஒரு நன்னாளில்
அது தன் மூச்சைவிட்டது
அல்லது
அன்றிலிருந்து இவள்
பேசிக்கொண்டிருக்கிறாள்.

ஒரு வேளை
நாளை என் பேரன்
தொடங்கலாம் அவன்
கவிதையை
“என் வீட்டில் ஒரு பாட்டி”
என.

இராமசாமி கண்ணண்.